संगमचोक–हावाघर सडक निर्माण गर्दा स्थानिय मर्कामा

नुवाकोट । नुवाकोटको विदुर नगरपालिका वडा नम्बर ४ बट्टारको संगमचोकदेखि घण्टाघरसम्मको सडक निर्माण गर्दा स्थानिय मर्कामा परेका छन् ।

उपभोत्ता समितिमार्फत निर्माण गरिएको उत्त सडक निर्माण गर्दा सडकको दुबै नालीबाट दुबै किनारा नलिई सार्वजनिक जग्गा छोडी निजि जग्गा बढी च्यापिएको भन्दै स्थानियवासीले विरोध जनाएका छन् । संगमचोकबाट बायाँपट्टीको लेनमा व्यक्तिको मात्र जग्गा चेप्ने गरेको भन्दै स्थानियवासीले विरोध गरेका हुन् ।

स्थानियबासीहरुले आफुहरु मर्कामा परेको भन्दै वडामा ४ पटकसम्म वडामा मौखिक रुपमा जानकारी गराउँदा समेत आफुहरुको कुरा सुनुवाई नभएको स्थानिय हरेराम गिरीले जानकारी दिए । पहिलो दोस्रो पटक वडामा गुनासो गर्न जाँदा माग सम्बोधन हुने आश्वासन वडाध्यक्ष टलकमान श्रेष्ठले दिएका थिए । यस्तै तेस्रो पटक जाँदा सरोकारवाला निकाय राखेर छलफल गर्नुपर्ने वडाध्यक्ष श्रेष्ठले बताएका थिए ।

तर चौथो पटक पनि आफुहरु वडामा गएर दुबैतर्फको जग्गा समान र सबैलाई निष्पक्ष रुपले न्याय दिनुपर्ने बताएपछि वडाध्यक्ष श्रेष्ठले निष्पक्ष भन्ने कुरा आफुलाई थाहा नभएको बताएको स्थानियले गुनासो गरेका छन् ।

विदुर नगरपालिकाले आफ्नै अमिन ल्याई जग्गा नाप्दा अहिले निर्माण भएको सडकको किनाराबाट २ मिटर ६ इन्च दायाँपट्टी सार्वजनिक जग्गा हुँदाहुँदै बायाँपट्टि व्यक्तिको जग्गा मिचिएको पिडितहले गुनासो गरेका छन् । यसरी मर्कामा जग्गा मिचिएका घरधनीहरुमा गिता थापा, वलराम अर्याल, जानुका गिरी, समिर तामाङ, प्रेमप्रसाद रिजाल र हरेराम गिरी रहेका छन् ।
वडाबाट आफ्नो माग सम्बोधन नभएको भन्दै स्थानियले विदुर नगरपालिकाको कार्यालयमा समेत गुहारेर मेयर सञ्जु पण्डित समेत सडकको अवलोकनको लागि आएका थिए ।

मेयर पण्डित प्राविधिक लिएर सडक हेर्न आउँदा गुनासो सम्बोधन गर्ने प्रतिवद्धता व्यक्त गरेका थिए । तर उनले पनि स्थानियको माग सम्बोधन गर्न नसकेको अर्का स्थानिय गिता थापाले जानकारी दिइन् । नगरका अभिभावक र वडाका अभिभावकले जनताको गुनासो सुनुवाई नगरेको भन्दै अहिले संगमचोक–हावाघरसम्मका स्थानियहरु यतिवेला निरास भएका छन् ।

त्यस्तै सडक निर्माणको क्रममा व्यक्तिका सार्वजनिक संरचनाहरु पर्खाल, कम्पाउन्ड समेत भत्काइएको छ । भत्काइएको संरचना समेत निर्माण नगर्ने सडक निर्माणको जिम्मा पाएका ठेकेदारले बताएका छन् । पिडितहरुले जनप्रतिधिले नै मर्कामा परेको स्वीकार गरेपनि न्याय पाउन नसकेको बताएका छन् ।