रसुवाको नौकुण्ड गाउँपालिकाद्वारा एम्बुलेन्स खरिद

रसुवा । रसुवाको नौकु्ण्ड गाउँपालिकाले एम्बुलेन्स खरिद गरेको छ ।

गाउँपालिकामा एम्बुलेन्स नहुँदा तत्काल अस्पताल पु¥याउन पर्ने बिरामीलाई समस्या हुँदै आएको थियो । निर्वाचन भएको चार वर्ष बितिसक्दा समेत गाउँपालिकाले गाडी समेत किनेको थिएन ।

एम्बुलेन्स खरिदका लागि भने लामो समयदेखि पहल गरिरहेको थियो । गाउँपालिकाले एम्बुलेन्स खरिद गरेसँगै गाउँपालिकाबासी खुशी भएका छन् ।

नागरिकको स्वास्थ्यलाई मध्यनजर गर्दै गाडीको साटो एम्बुलेन्स खरिद गरिएको गाउँपालिकाका अध्यक्ष नुर्वु साङ्बो घलेले बताए । गाउँपालिकाका नागरिकहरूले बिरामी भएको बेलामा अकालमै ज्यान गुमाउन पर्ने अवस्था आउने गरेको थियो ।

१० लाख ४९ हजार ३ सय ७५ रुपैयाँ एम्बुलेन्स खरिद गरिएको गाउँपालिकाले जनाएको छ ।