रसुवा ।  जिल्लाको गोसाइँकुण्ड गाउँपालिकामा रहेका स्वास्थ्य संस्थालाई स्वास्थ्य सामग्री हस्तान्तरण गरिएको छ।

जिल्लामा कोरोना भाइरसको नियन्त्रणको लागि सहयोग पुर्‍याउनका लागि सामग्री हस्तान्तरण गरिएको हो । हिमालयन कर्पोरेसन सोसाइटी नेपालले बृद्धिम स्वास्थ्य चौकी, स्याफ्रु स्वास्थ्य चौकी र रसुवा अस्पताललाई विभिन्न सामग्री सहयोग गरेको हो ।

५ लाख २६ हजार २७ रुपियाँ बराबरको स्वास्थ्य सामग्री वितरण गरिएको अध्यक्ष दावा नुर्पु लामाले बताए । संस्थाले तीन हजार थान पेपर मास्क, ३ सय वटा एन नाइन्टी फाइभ मास्क, ५ थान अक्सिजन मास्क, ५ सय एमएलको सेनिटाइजर  १ सय ५० बोतल, पीपीइ सेट २५ थान, एन्टीजेन टेष्ट किट २ सय ५० थान, अक्सिजन फ्लो मिटर १० थान, पल्स अक्सिमिटर १५ थान, भिटामिन सि एक हजार ट्याबलेट, डि-कोल्ड १ हजार ट्याबलेट, मुभ २४ थान र नेबुलाइजर मेसिन १० थान प्रदान गरेको छ ।