किस्पाङ गाउँपालिकामा एकैदिन ३० जना संक्रमित थपिए

नुवाकोट । नुवाकोटको किस्पाङ गाउँपालिकामा एकैदिन ३० जना कोरोना संक्रमित थपिएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा गाउँपालिकामा ३० जना कोरोना संक्रमित भेटिएका हु्न् ।

भेटिएका संक्रमितमध्ये २३ पुरुष र ७ महिला रहेका छन् । यससँगै किस्पाङमा कोरोना संक्रमितको संख्या एकसय ३३ पुगेको छ ।

सक्रिय कोरोना संक्रमितमध्ये ५९ जना होम आइसोलेसनमा रहेको बताइएको छ । यस्तै कोरोना संक्रमणबाट किस्पाङ गाउँपालिकाका एक युवाको ज्यान गएको थियो ।

किस्पाङको शान्तिबजार, अर्चले,सातदोबाटो, कर्कलेगैरी र लामाछाप कोरोनाको उच्च जोखिममा रहेको गाउँपालिकाले जानकारी दिएको छ ।