रसुवामा सक्रिय कोरोना संक्रमितको संख्या ३६ पुग्यो

रसुवा । रसुवामा सक्रिय कोरोना संक्रमितको संख्या ३६ पुगेको छ ।

कोरोनाको दोस्रो लहर सुरु भएसँगै जिल्लामा पनि कोरोना संक्रमित बढेका हुन् । स्वास्थ्य कार्यालय रसुवाका अनुसार गोसाइँकुण्डमा ४, कालिकामा १९, उत्तरगयामा ७, नौकुण्डमा १ र बाहिरी जिल्लाका ४ जना रहेका छन् । कोरोना संक्रमितहरू होम आइसोलेसनमा बसेका छन् ।

रसुवामा हालसम्म २ सय २० जनामा कोरोना पुष्टि भएको थियो । जसमा १ सय ८४ जना निको भएका छन् । जिल्लामा हालसम्म १ हजार ८ सय ५७ वटा स्वाव संकलन गरिएकोमा १ हजार ६ सय १७ नेगेटिभ र २ सय २० पोजेटिभ आएको थियो । अब १५ जनाको नतिजा आउन बाँकी छ ।