बेलकोटगढी नगरपालिका सेमिफाईनल प्रवेश

नुवाकोट । किस्पाङ गाउँपालिकालाई झिनो गोल अन्तरले पराजित गर्दै बेलकोटगढी नगरपालिका शिवपुरीको सुनखानीमा जारी अन्तरपालिका स्तरीय शिवपुरी अध्यक्ष गोल्डकप फुटबल प्रतियोगिताको सेमिफाइनलमा प्रवेश गरेको छ ।

सोमबार भएको दोस्रो क्वाटनफाइनलमा किस्पाङ गाउँपालिकालाई १–० को झिनो गोल अन्तरले पराजित गर्दै बेलकोटगढी नगरपालिका सेमिफाइनल प्रवेश गरेको हो ।

बेलकोटगढी नगरपालिकालाई विजयी गराउन खेलको तेस्रो मिनेटमा असोक राईले गरेको गोल नै निर्णय बनेको थियो ।

खेलमा उत्कृष्ट प्रर्दशन गरेका बेलकोटगढीका क्यापटेन विवश लामा म्यान अफ दि म्याच घोषित भए ।