रसुवामा आखाँ शिबिर सुरु

रसुवा । रसुवामा मोतिबिन्दुको शल्यक्रिया सहित आखाँ शिबिर सुरु भएको छ ।

जिल्लाको कालिका गाउँपालिका २ कालिकास्थान स्थित कालिका हिमालय क्याम्पसमा सोमबारदेखि मोतिबिन्दुको शल्यक्रिया सहित आखाँ शिबिर सुरु भएको हो ।

तिलगंगा आखाँ प्रतिष्ठान, सामुदायिक आँखा केन्द्र रसुवा र नेपाल रेडक्रस सोसाईटीको आयोजनामा शिबिर संचालन गरिएको हो । दुई दिनसम्म संचालन हुने शिबिरको पहिलो दिन हिजो सोमबार ३३ जना मोतिबिन्दुको शल्यक्रिया गरिएको छ । शिबिर आज मंगलबार पनि जारी रहेको सामुदायिक आँखा केन्द्र रसुवाले जनाएको छ ।

२०६३ सालमा रसुवामा स्थापना गरिएको आँखा केन्द्रले हरेक बर्ष शल्यक्रिया सहित आखाँ शिबिर संचालन गर्ने गरेको छ ।