रसुवामा नेकपा एमालेको बोर्ड राखियो

रसुवा । नेपाल कम्युनिस्ट पार्टी (एमाले) आफ्नो कार्यालयमा बोर्ड राखेको छ ।

केही वर्ष अगाडि सदरमुकाम धुन्चेमा निर्माण गरिएको भवनमा एमालेले बिहीबार बोर्ड राखेको हो । नेकपा एमाले रसुवाका अध्यक्ष कर्णेल लामाले पार्टी कार्यालयको उद्घाटन गर्नुका साथै पार्टीको बोर्ड राखेका छन् ।

एमाले र माओवादी (केन्द्र) एकीकरण भएपछि उक्त कार्यालय सञ्चालनमा आएको थिएन । सर्वोच्च अदालतको फैसला आएसँगै पार्टीले आफ्नै भवन सञ्चालनमा ल्याएको हो । उनी साविकको एमाले भएका बेला पनि अध्यक्ष थिए भने नेकपामा पनि उनी अध्यक्ष नै यथावत थिए ।

पार्टी कार्यालयमा आयोजित कार्यक्रममा बोल्दै उनले पार्टीका आगामी गतिविधिलाई थप सक्रिय बनाइने बताए ।