रसुवा कोरोना मुक्त: सबै संक्रमित निको भए

रसुवा  । जिल्लाका ११ जना कोरोना संक्रमित निको भएसँगै रसुवा कोरोना मुक्त भएको छ ।

गएको शुक्रबारसम्म जिल्लामा १० जना संक्रमित निको भइसकेका थिए भने थप एक जनामा कोरोना पुष्टि भएको थियो । ती संक्रमितको पनि शुक्रबार कोरोना रिर्पोट नेगटिभ आएको छ । स्वास्थ्य कार्यालय रसुवाका अन्ुसार अब जिल्लामा सक्रिय कोरोना संक्रमित छैनन् । गएको शुक्रबार कालिका गाउँपालिका–३ का २६ वर्षीय पुरुषमा कोरोना पोजेटिभ देखिएको थियो । उनी कुवेतबाट आएका हुन् ।

यही असार १३ गते जिल्लामा पहिलो पटक ९ जना कोरोना संक्रमित फेला परेका थिए । जिल्लामा हालसम्म कोरोना पुष्टि भएका ११ जना नै विदेशबाट आएका व्यक्ति हुन् ।