Logo
गृहपृष्ठ
    • समाचार
    • आर्थिक
    • अन्तरास्ट्रिय
    • खेलकुद
    • राजनीतिक
    • नुवाकोट समाचार
    • मनोरञ्जन
      • विचार
    • स्वास्थ्य/जीवनशैली

लकडाउन डायरी : यस्तो छ नुवाकोटकी कराँते खेलाडी अनु अधिकारीको दैनिकी

प्रकाशित मिती: २२ चैत्र २०७६, शनिबार १७:४०

नुवाकोट । नेपाल मात्र होइन कोरोना भाइरसले सारा विश्वलाई नै असर गरेको छ । नेपाल अहिले लकडाउनमा छ । हामी खेलाडीहरुको काम तालिम गर्ने, खेल्ने हो । तर अहिले लकडाउनले गर्दा घरमै बस्न बाध्य छौं । म ओलम्पिक छनोटको तयारीमा पनि थिएँ । त्यो पनि कोरोनाले अर्को वर्षलाई सरेको छ ।

Trishuli Web Design in Nepal Nuwakot
Acharya Engineering Consultancy & Business Training Centre Nuwakot
Pioneer Education Consultancy And Visa Service Pvt. Ltd.

अहिले मेरो मुख्य फोकस भनेको आफूलाई फिट राख्ने अध्ययनलाई पनि निरन्तर दिने अनि परिवारसँग समय बिताउने गरेर नै बितिरहेको छ । घरभित्र बस्दा पहिलेको जस्तो तालिम त छैन, तर घरमै केही तालिम गरिरहेको छु । म अहिले लकडाउनको समयमा पनि पहिले जस्तै बिहान ५ बजे उठ्छु । त्यसपछि एक कप ग्रीन टी पिउँछु । ५ः३० देखि ६ बजेसम्म मेडिटेसन गर्छु । किन कि पहिले नियमित तालिम प्रशिक्षकसँग गरिन्थ्यो । अहिले त्यो सम्भव नभएकाले ध्यान एकदमै आवश्यक हुन्छ ।

त्यसपछि लाइट ब्रेकफास्ट लिन्छु । साथै खेलाडीको लागि शारीरिक र मानसिक रुपमा फिट राख्नु पर्ने भएकोले घरकै छतमा २ घण्टा शारीरिक कसरत गर्छु । त्यसमा स्ट्रेचिङ, किकिङ, पन्चिङ, मुभमेन्टहरु हुन्छ । म खेलाडी भएकाले पनि पूर्ण रुपमा फिट रहन केन्दि्रत हुन्छु । लकडाउनले त्यसमा असर गर्दैन ।

कोरोनाले गर्दा आउँदो जुलाई-अगष्टमा जापानमा हुने भनिएको टोकियो ओलम्पिक एक वर्षपछि सरेको छ । म पनि कराँतेबाट ओलम्पिकको लागि छनोट खेल्ने तयारीमा थिएँ । जुनसुकै खेलाडीको लागि ओलम्पिक खेल्ने ठूलो सपना हुन्छ । म पनि २०२० टोकियो ओलम्पिक अन्तर्गत सोलिडारिटी स्कलरसिपमा परेको छु । सोही अनुरुप नेपाल ओलम्पिक कमिटीले ट्रेनिङ क्याम्प शुरु गरिसकेको थियो, तर कोरोनाले गर्दा ओलम्पिक पछि सर्‍यो ।

 

साथै फ्रान्समा हुने भनिएको क्वालिफिकेसन टुर्नामेन्टमा भाग लिने भनिए पनि त्यो पनि अहिले स्थगित भएको छ । जसले गर्दा प्रत्यक्ष रुपमा खेलाडीहरुमा असर परेको छ । जस्तै उमेर हदबन्दी, मानसिक असर, तौल स्थिर राख्ने आदि । त्यसका बाबजुद पनि हामीले आफ्नो गतिलाई बढाउनभन्दा स्थिर कायम गर्न सके केही समय अर्थात लकडाउन खुलेपछि पहिलेकै फर्ममा आउन सक्छौं ।

यदि भोलिको दिनमा म ओलम्पिकमा छनोट हुनु छ भने अहिलेदेखि नै कडा मिहेनत गर्नु जरुरी छ । अहिले लकडाउन छ, पछि गरौंला भनेर बस्यो भने त्यो समय धेरै गाह्रो हुन सक्छ । पछि गर्छु भनेर बस्यो भने आफ्नो खेलको र्फम बिग्रन्छ र शरीरलाई त्यो इन्डुरेन्स र स्टामिना प्राप्त गर्न पनि गाह्रो हुन्छ । त्यसकारण पनि बिहानको समय २ घण्टा मैले घरमै आफैं तालिम गरिरहेको छु ।

तालिम बाहेकको समय म परिवारलाई पनि दिन्छु । यो बेला परिवारलाई समेत धेरै समय दिन पाइरहेको छु ।

बिहान तालिमपछि म ममीलाई किचेनमा सघाउने, परिवारसँग समय बिताउने गर्छु । दिउँसोको समयमा म पढाइमा केन्दि्रत हुन्छु । म एमबीएस सेकेण्ड सेमेस्टरको परीक्षाको तयारीमा थिएँ । कोरोनाले परीक्षा पनि स्थगित भएको छ । यद्यपि खेलका साथै मैले आफ्नो अध्ययनलाई पनि अगाडि बढाइरहेको छु ।

मेरा दुई जना दाजुहरु विदेशमा हुनुहुन्छ । उहाँहरुसँग भिडियो च्याट पनि गर्छु । साँझको समयमा इन्टरनेटमा समाचारहरु हेर्छु । देश विदेशमा कहाँ के भइरहेको छ भनेर जानकारी लिन्छु ।

बेलुका म लाइट खानेकुरा खान्छु । भातचाहिँ खादिनँ, किनकी मैले तौल पनि मेन्टेन गर्नुपर्ने छ ।

त्यसपछि इन्टरनेटमै विश्व वरियताका खेलाडीहरुको फाइट हेर्छु । जसबाट मैले विभिन्न टेक्निकहरु सिक्ने अवसर पाउँछु । अनि प्वाइन्ट क्याच गर्न सकिन्छ र अपोनेन्टको कसरी डिफेन्स गर्ने थाहा हुन्छ । साथै नयाँ-नयाँ नियमहरुको बारेमा पनि अध्ययन गर्छु । खेलका भिडियोहरु हेर्छु । कहिलेकाँही फ्रेस हुन म्युजिक सुन्छ । मुभी हेर्ने पनि गर्छु । बेलुका अबेरसम्म बस्दिनँ । १० बजे सम्म सुतिसक्छु ।

मेरो अहिलेको लकडाउनको दैनिकी यसरी नै बितिरहेको छ । जे होस् आफ्नो लक्ष्य प्रोफेसन भनेको मेरो गेम कराँते नै हो । त्यसलाई घरभित्र बसेर जे जति आफूलाई फिट राख्नु सक्छु, जे जति गर्न सक्छु गरिरहेको छ ।

अहिले कोरोना भाइरसको महामारी विश्वभर फैलिएको छ । नेपालमा पनि प्रभाव देखिसकेको छ । त्यसैलै सरकारले लकडाउन गरेको छ । यस बेला घर बाहिर निस्कन मिल्दैन । खेल सबै बन्द छ । यो बेला हामी सबैले सुरक्षित रहनु जरुरी छ । अरुलाई पनि घरमै बसेर सुरक्षित हुन म आग्रह गर्छ । साथै कोरोनाबाट बच्नका लागि नेपाल सरकार र डब्लुएचओले जारी गरेका निर्देशनहरुको पालना गर्न अनुरोध गर्छु ।

प्रस्तुती : गोविन्दराज नेपाल

अनलाईन खबरबाट साभार

शेयर गर्नुहोस् >>

तपाइको प्रतिक्रिया

संबन्धित शीर्षकहरु

पीएम कप क्रिकेट : फाइनल पुग्न एपीएफ र पुलिस भिड्दै,एपीएफ ब्याटिङमा
डिफेन्डिङ्ग च्याम्पियन पुलिस बागमतीसँग ७ विकेटले पराजित
नेपाल क्रिकेट संघ र एड प्याडबीच सम्झौता, एड प्याडले जर्सीका लागि प्रायोजक खोज्ने
नेपालले विश्वकप छनोटका खेल घरेलु मैदानमै खेल्ने
‘आईसीसीकाे एसाेसिएट प्लेअर अफ द डिकेडमा पारस खड्का
पाकिस्तानले जिम्बावेलाई ६ विकेटले हरायो
ढाका पुगेको नेपाली फुटबल टिमका सबै खेलाडीको कोरोना रिपोर्ट नेगेटिभ
राष्ट्रिय फुटबल टोलीका कप्तान भन्छन् प्रशिक्षण पर्याप्त भएन
kerung

ताजा अपडेट

इन्फ्रास्ट्रक्चर बैंकको आइपीओ बाँडफाँट शुक्रबार १० बजे

नुवाकोट । नेपाल इन्फ्रास्ट्रक्चर बैंकको आइपीओ बाँडफाँट शुक्रबार हुने भएको छ । बिक्री प्रबन्धक एनआइबीएल...

नुवाकोटमा कोरोना भाइरसविरुद्धको खोप अभियान शुरु

नुवाकोट । नुवाकोटमा कोरोनाविरुद्धको खोप अभियान सुरु भएको छ । जिल्ल अस्पताल त्रिशुलीमा भएको...

  • नुवाकोटमा कोरोना संक्रमितको संख्या ११ सय २७ पुग्यो
  • नुवाकोटको बुद्धभूमी हाइड्रोपावर आईपिओ निष्काशन माग गर्दै धितोपत्र बोर्डमा
  • पीएम कप क्रिकेट : फाइनल पुग्न एपीएफ र पुलिस भिड्दै,एपीएफ ब्याटिङमा
  • कक्षा १२ को नतिजा प्रकाशनमा ढिलाइ,नतिजा आउन अझै दुई साता लाग्ने
  • इन्फ्रास्ट्रक्चर बैंकको आइपीओ बाँडफाँट शुक्रबार १० बजे
  • नुवाकोटमा कोरोना भाइरसविरुद्धको खोप अभियान शुरु
  • नुवाकोटमा कोरोना संक्रमितको संख्या ११ सय २७ पुग्यो
  • नुवाकोटको बुद्धभूमी हाइड्रोपावर आईपिओ निष्काशन माग गर्दै धितोपत्र बोर्डमा
  • पीएम कप क्रिकेट : फाइनल पुग्न एपीएफ र पुलिस भिड्दै,एपीएफ ब्याटिङमा
प्रकाशक\सम्पादक : शालिकराम चालिसे     संवाददाता : नवराज चालिसे, संगिता लामिछाने     गेर्खु मिडिया प्रा.लि विदुर ११ नुवाकोट    
© Bidurkhabar.com 2018 | All rights reserved
Website By : ssec
फोन: ९८४९८२०९१६ ईमेल : [email protected]