कालिका गाउँपालिकाको कालिका हिमालय मावि कालिकास्थानमा ५० शय्याको क्वारेन्टाइन र निलकण्ठ नमुना मावि जिबजिबेमा १५ शय्याको आइसोलेसन वार्ड तयार पारिएको कालिका गाउँपालिका अध्यक्ष सिताकुमारी पौडेल अधिकारीले बताइन् । जिबजिबे ग्रामिण अस्पतालमै १७ शय्याको थप बेड तयार पारिएको उनले बताइन् । त्यस्तै नौकुण्ड गाउँपालिकाको पारच्याङमा १५ र आमाछोदिङ्मो गाउँपालिकाको थाम्बुचेतमा १५ शय्याको क्वारेन्टाइन तयार पारिएको छ । उत्तरगया गाउँपालिकाको डाँडागाउँमा १५ र प्रतिनिधिसभा सदस्य मोहन आचार्यको घरमा २१ शय्याको क्वारेन्टाइन तयार पारिएको गाउँपालिकाका अध्यक्ष उपेन्द्र लम्सालले बताए ।