प्रधानको नेतृत्वमा नुवाकोट ब्याडमिन्टन संघको नयाँ कार्यसमति चयन

बट्टार । नुवाकोट ब्याडमिन्टन संघको तेस्रो साधारणसभा तथा पहिलो अधिवेशनले गगन कल्याण प्रधानको अध्यक्षतामा १३ सदस्यीय कार्यसमिति निर्विरोध निर्वाचित गरेको छ ।

विदुरमा शनिवार भएको पहिलो अधिवेशनले कार्यसमिति निर्विरोध रुपमा चयन गरेको नुवाकोट ब्याडमिन्टन संघका नवनिर्वाचित सचिव पारस अधिकारीले जानकारी दिनुभयो । संघको उपाध्यक्षमा श्रीराम तामाङ, बृद्धिलाल नगरकोटी, सचिवमा पारस अधिकारी र कोषाध्यक्षमा गौरी राई चयन हुनुभएको छ ।
त्यस्तै संघको सदस्यहरुमा रामकुमार कोइराला, निराजन रिमाल, शिवलाल श्रेष्ठ, भिम बज्रचार्य, चन्दन घले, अजय थापा, रेवुका श्रेष्ठ र विवेक जैसी रहेका छन ।

केन्द्रिय प्रतिनिधि दिपक थापाको रोहवरमा संघको पहिलो अधिवेशन सम्पन्न भएको हो । संघका नवनिर्वाचित पदाधिकारीले संघलाई चलायमान बनाई आगामी दिनमा जिल्लामा विभिन्न प्रतियोगिता गरि खेलाडीहरुको शिपलाई तिखार्न लागि पर्ने प्रतिवद्धता समेत गरेका छन ।

यसअघि नुवाकोट ब्याडमिन्टन संघ तदर्थ समितिमा चल्दै आएको थियो ।