सेना दिवसमा नुवाकोटमा मैत्रीपूर्ण फुटवल सम्पन्न, राष्ट्रसेवक कर्मचारी पराजित

बट्टार । सेना दिवस तथा महाशिवरात्रिको अवसर पारेर नुवाकोटमा मैत्रीपूर्ण फुटवल प्रतियोगिता सम्पन्न भएको छ ।

जवरजङ्ग गणको आयोजनामा राष्ट्रसेवक कर्मचारी टिम र नुवाकोट जिल्ला फुटवल टिमबीच मैत्रीपूर्ण फुटवल प्रतियोगितामा भएको हो । प्रतियोगितामा कर्मचारी टिमलाई प्रतियोगितामा नुवाकोट फुटवल टिमले ३–१ को गोलअन्तरले पराजित गरेको छ । नुवाकोट फुटवल टिमलाई विजयी बनाउन सन्तोष थापा, राजकुमार कुमाल (नानु) र आकाश रानामगरले गोल गरेका थिए । त्यस्तै राष्ट्रसेवक कर्मचारीको लागि पेनाल्टीमार्फत युवराज खड्काले एक गोल गरेपनि टोलीको हार भने टार्न सकेनन ।

प्रतियोगितामा विजयी र पराजित दुबै टोलीलाई जिल्ला समन्वय समितिका प्रमुख सन्तामान तामाङ, विदुर नगरपालिकाका मेयर सञ्जु पण्डित, नुवाकोट उद्योग वाणिज्य संघका अध्यक्ष तारावहादुर कार्की, जवरजङ्ग गणका गणपति उदय वहादुर लामिछाने,एक नम्बर तालिम केन्द्रका गणपति खेम शर्मा लगायतले मेडल,शिल्ड र प्रमाणपत्र वितरण गरेका थिए ।