नुवाकोटको पन्चकन्यामा ‘चेयरमेन कप’ भलिबल प्रतियोगिता शुरु

विदुर खबर २०७६ माघ २६ गते ८:२०

नुवाकोट ।  ‘नुवाकोट जिल्ला अन्तरपालिकास्तरीय प्रथम पञ्चकन्या ‘चेयरमेन कप’ भलिबल प्रतियोगिता माघ २५ गते देखि सुरु भएको छ ।

Advertisement

प्रतियोगिताको उद्घाटन पूर्वप्रधानमन्त्री एंव नेकपा अध्यक्ष प्रचण्डले गर्नुभएको हो । कार्यक्रममा १३औँ सागमा नेपाललाई स्वर्ण पदक जिताउन सफल हुनुभएका पञ्चकन्या गाउँपालिका थप्रेकका अनु अधिकारीलाई नगद पचास हजार रुपैयाँले सम्मान गरिएको छ ।

यस्तै, रजत पदक बिजेता अनिता अधिकारी–भण्डारीलाई नगद ३० हजार रुपैयाँले सम्मान गरिएको छ । यस्तै, नुवाकोट जिल्लामा जन्मेर १३औँ सागमा स्वर्ण पदक बिजेता अभिषेक रिजाल, लक्ष्मी मगर र बृद्धिबहादुर तामाङलाई नगद १५ हजार रुपैयाँले नेकपाको अध्यक्ष प्रचण्ड मार्फत सम्मान गरिएको छ । यस्तै, रजत र कास्य पदक बिजेता मिना ग्लान, कृष्णबहादुर तामाङ, संजित डंगोल, अस्मिता राई, अञ्जु तामाङ, रेजिन रिमाल र राजिब पुडासैनीलाई १० हजार नगद सहित प्रमाणपत्रले सम्मान गरिएको हो ।

Advertisement

प्रतिक्रिया