काठमाडौंको ट्राफिक जाम हटाउन विशेष योजना ल्याउँछु–गृहमन्त्री

काठमाडढौं, ११ चैत– गृहमन्त्री रामबहादुर थापाले आर्थिक समृद्धि र विकास मुलुकको आवश्यकता रहेको बताएका छन् ।
नेपाल चेम्वर अफ कमर्सका अध्यक्ष राजेश काजी श्रेष्ठको नेतृत्वमा गएको नेपाल चेम्वरको एक प्रतिनिधिमण्डलसँंग आइतबार गृह मन्त्रालयमा भएको भेटघाटमा मन्त्री थापाले यसका लागि चेम्वरको सहयोगको आशा व्यक्त गरे ।
मुलुकलाई समृद्ध बनाउ चेम्वरसँंग सहकार्र्य गरेर अगाडि वढने उनले बताए । गृहमन्त्रीले उद्योगी र व्यावसायीहरुको सुरक्षाका लागि गृह मन्त्रालय प्रतिवद्ध रहेको बताए ।
नेपालमा लगानीको वातावरण सृजना गर्र्नेतर्फ मन्त्रालयले आवश्यक सवै सुरक्षाको वन्दोवस्त मिलाउने गृहमन्त्रीले बताए ।
मुलुकभित्रै प्रसस्त उद्योगधन्दा सञ्चालन गरी रोजगारीको सृजना गर्नेगरी औद्योगिक क्रान्ति आवश्यक रहेको गृहमन्त्रीको भनाइ थियो ।
कामका लागि दैनिक विदेश जाने नेपाली जनशक्तिलाई स्वदेशमै रोजगारीको बातावरण बनाउन स्वदेशमा लगानी तथा उद्योगधन्दा सञ्चालन हुनुपर्नेमा गृहमन्त्रीले जोड दिए । काठमाडौंको ट्राफिक जामको समस्या हटाउन मन्त्रालयले विशेष पहल थालेको जानकारी गृहमन्त्रीले दिए । चेम्वरले दिएको सुझाबहरुलाई यथाशिघ्र सम्वोधन गर्ने प्रतिवद्धता उनले जनाए । भेटघाटमा नेपाल चेम्वर अफ कमर्सका अध्यक्ष राजेशकाजी श्रेष्ठले उद्योग व्यवसायीको विविध क्षेत्रमा देखिएका समस्याबारे मन्त्री थापाको ध्यानाकर्षण गराएका थिए ।
उनले व्यापारीसँंग जवरजस्ती चन्दा, आर्थिक सहयोग माग्ने प्रबृति अन्त हुनुपर्ने खाँंचो औल्याए ।
ढुवानीमा हुने गरेको कार्टेलिंगलाई हटाउनुपर्ने आवश्यकता पनि उनले राखे । नेपाल र चीन नाकामा हुने विविध समस्याहरुबारे विशेष ध्यानाकर्षण गराउँंदै उनले ती क्षेत्रमा सहज आवागमन हुनुपर्ने बताए ।
प्रतिनिधिमण्डलमा चेम्वरका वरिष्ठ उपाध्यक्ष राजेन्द्र मल्ल, उपाध्यक्षहरु कमलेश कुमार अग्रवाल, दीपककुमार मलहोत्रालगायतका चेम्वरका पदाधिकारी तथा कार्यसमितिका सदस्यहरु सहभागी थिए ।