रसुवाको लाङटाङमा चौरी पाल्ने कृषक बढे

रसुवा । दुधबाट बन्ने परिकारले राम्रो बजार पाएपछि रसुवाको लाङटाङमा चौरी पाल्ने कृषकको संख्या बढ्न थालेको छ ।

लाङटाङमा रहेको दुग्ध विकास संस्थान अन्र्तगत रहेको चिज उत्पादन केन्द्रले कृषकसँग उनीहरुले उत्पादन गरेको दुधको राम्रो मूल्य र जति उत्पादन गरे पनि लिइदिन थालेपछि चौरी पालकलाई हौसला बढेको छ । उक्त सुविधाकै कारण कृषकको सङ्ख्या बढ्न थालेको छ ।

यहाँ उत्पादन भएको दूध केन्द्रमै खपत हुने, बाँकी दूध चौरी पालन गर्ने कृषकको होटल भएकाले सहज रुपमै बिक्री भइरहेकाले यहाँका किसानलाई बजारीकरणमा समस्या नभएको गोसाइँकुण्ड गापा- ४, थाङ स्याफ्रुका व्यवसायी बाबु तामाङले बताए । भूकम्पले क्षति पुगेको बाटो तथा खर्क पुनर्निमाण हुँदै जाँदा कृषक बढेका हुन् ।

भूकम्प जानु पूर्व लाङटाङ क्षेत्रमा ३० वटा गोठ थिए । गत वर्ष १८ वटा गोठ सञ्चालन भएका थिए । ती गोठमा करिब तीनसय चौरिरहेका थिए । अहिले त्यही क्षेत्रमा २१ वटा गोठ पुगेको छ । जसमा ५० वटा चौरिरहेका छन् ।

साढे चार वर्षअघि भूकम्पका कारण आएको हिउँ पहिरोले लाङटाङका २० जना कृषकको ज्यान गएको थियो, भने चार सयभन्दा बढी याक तथा नाक मरे । खर्क जाने बाटो पहिरोले लग्यो भएका मुहान सुके त्यसपछि कृषकले पेशा परिवर्तन गरेका थिए । भूकम्पपछि लाङटाङमा १० प्रतिशतले मात्र कृषि पेशा अगालेका थिए ।