न्यू इनारपाटी युवा क्लबको विजयी शुरुवात

नुवाकोट । नुवाकोटको बट्टारमा जारी नुवाकोट जिल्ला स्तरीय लिग क्वालिफाइड नकआउट फुटबल प्रतियोगितामा न्यू इनारपाटी युवा क्लबले विजयी शुरुवात गरेको छ ।

शनिवार भएको खेलमा लामी बगैंचा सामाजिक युवा क्लबलाई १–० गोलको झिनो अन्तरले पराजित गर्दै ईनारपाटी युवा क्लब अगिल्लो चरण प्रवेश गरेको हो ।

प्रतियोगिता अन्र्तगत आईतवार हुने पहिलो खेलमा युनाइटेड फुटवल क्लब बट्टार र पिपलटार फुटवल क्लबबीच प्रतिष्पर्धा हुने छ । यस्तै दोस्रो खेलमा बट्टार युथ क्लब र आर्शिवाद युवा क्लबबीच प्रतिष्पर्धा हुने छ ।

नुवाकोट फुटवल संघद्धारा आयोजित प्रतियोगितामा जिल्लाका विभिन्न १० क्लबहरुले सहभागिता जनाएका छन् ।

प्रतियोगिताको सेमिफाईनलमा पुग्ने टोली जिल्ला लिगमा प्रवेश गर्ने नुवाकोट फुटवल संघका अध्यक्ष देव नारायण चित्रकारले जानकारी दिए ।