विदुर नगरपालिकाको १३ औ नगरसभा आज हुँदै

नुवाकोट । नुवाकोटको विदुर नगरपालिकाको १३ औ नगरसभा आज बस्दै छ ।

जिल्ला समन्वय समिति नुवाकोटको सभाहलमा विहान ८ बजेबाट शुरु हुने नगरसभाले नगरपालिकाको आर्थिक वर्ष २०८०÷८१ को वार्षिक नीति तथा कार्यक्रम र बजेट पास गर्ने कार्यक्रम रहेको छ ।

गत वर्षको तुलनामा यो वर्ष नगरपालिकाको बजेट केही कम हुने एक कार्यपालिका सदस्यले बताए । नगरपालिका गतवर्षदेखि ऋणमा रहेको भन्दै बजेट कम गर्न लागिएको हो ।

नगरपालिकाको बजेट यस वर्ष शिक्षा, कृषि, स्वास्थ्य र पर्यटन लगायतको क्षेत्रमा बढी केन्द्रित भएको छ ।

प्रत्येक वडालाई दिने बजेटको सिलिङ समेत कम भएर ६० लाखमा पुग्ने देखिएको छ ।

विगतका वर्षहरुमा बजेट घोषणा हुँदा प्रत्येक वडालाई एक÷एक करोड रुपैयाँ बाँड्ने गरिएको थियो ।