ब्रह्मकुमारीको रक्तदानमा ४९ युनिट रगत सङ्कलन

नुवाकोट । नुवाकोटको विदुर नगरपालिका वडा नम्बर ४ बट्टारस्थित ब्रह्मकुमारी राजयोग सेवा केन्द्रमा आयोजित रक्तदान कार्यक्रममा ४९ युनिट रगत सङ्कलन भएको छ ।

ब्रह्मकुमारी राजयोग सेवा केन्द्र बट्टारको आयोजना र नेपाल रेडक्रस सोसाइटी नुवाकोटको प्राविधिक सहयोगमा राजयोगिनी दादी प्रकाशमणिको १९ औँ पुण्यतिथिमा रक्तदान कार्यक्रम आयोजना गरिएको थियो ।

रत्तदान कार्यक्रमको विदुर नगरपालिकाका नगरप्रमुख राजन श्रेष्ठले उदुघाटन गरेका थिए । मेयर श्रेष्ठले निरोगी मान्छेले रगत दिँदा शरीरलाई असर नहुने बताए । उनले रक्तदानले समाजमा सकारात्मक भावना पैदा गर्ने बताए ।

यसअघि गत वर्ष पनि ब्रह्मकुमारी राजयोग सेवा केन्द्रले रत्तदान कार्यक्रमको आयोजना गरेको थियो ।

रत्तदान कार्यक्रममा विदुर नगरपालिकाका विभिन्न वडाका वडाध्यक्ष तथा विभिन्न सरकारी कार्यालयका प्रमुखका साथै सरोकारवालाहरुको उपस्थिति रहेको थियो ।