नुवाकोटको तारकेश्वर गाउँपालिकाले प्राविधिक विद्यालय खोल्ने

नुवाकोट । नुवाकाटेको तारकेश्वर गाउँपालिकाका अध्यक्ष शिव अधिकारीले गाउँपालिकामै प्राविधिक विद्यालय संचालनका लागि पहलकदमी लिएका छन् ।

शुक्रवार गाउँपालिका अध्यक्ष अधिकारीसँग शंखरादेबी माध्यमिक विद्यालयका निवर्तमान अध्यक्ष तथा विद्यालयका चन्दादाता बाबुराम शर्मा अधिकारीको निजि निवासमा भेटघाट गर्दै समसामयिक शैक्षिक बिषयमा छलफल गरेका थिए ।

शर्माले पालिकामा प्राविधिक विद्यालय संचालनका लागि १० रोपनी जग्गा उपलब्ध गराउने प्रतिवद्धता जनाउनुभएको छ । उनकोे कार्यको उच्च प्रशंसा गर्दै विद्यालय संचालनका लागि पालिकाले आवश्यक पहलकदमी लिने जानकारी दिए ।

सीपमुलक शिक्षाले बढ्दो बेरोजगारी अन्त गर्दै मुलुकलाई आवश्यक पर्ने जनशक्ति उत्पादनमा सघाउ पुग्ने विश्वास सहित यो कार्यलाई छिटै अघि बढाउने गाउँपालिकाका अध्यक्ष अधिकारीले बताए ।