पदक विजेतालाई बेलकोटगढी नगरपालिकाको सम्मान

नुवाकोट । नुवाकोटको बेलकोटगढी नगरपालिकाले गत साता उज्बेकिस्तानको फर्गानामा आयोजना भएको एसिया हाप्किडो च्याम्पियनसिप २०२२ मा नेपाललाई पदक दिलाएका खेलाडीहरुलाई सम्मान गरेको छ ।

च्याम्पियनसिपमा भने १ स्वण र २ कास्य हात पारेको नेपालका खेलाडीहरुलाई नगरपालिकाका नगरप्रमुख जगत गुरुङले सम्मान गरेका हुन् । नेपालको प्रतिनिधित्व गर्दै नुवाकोटको बेलकोट्गढी नगरपालिकाका प्रविण गुरुङले नेपाललाई कास्य पदक दिलाएका थिए ।

नेपाल मार्शल आरट्र्स हाप्किडो संघ केन्द्रिय प्रमुख सहायक प्रशिक्षक तथा नुवाकोट जिल्ला हाप्किडो संघको मुख्य प्रशिक्षक समेत रहेका गुरुङले पुरुषतर्फ ७० केजि तौल समूहमा कास्य पदक प्राप्त गरेका हुन ।

प्रतियोगितामा नेपाल,भारत,चिन ,जापान ,माल्दिस ,अफगानिस्तान ,उज्केस्तान,पाकिस्तान,उतर कोरिया दक्षिण कोरिया सहित २६ राष्ट्र सहभागी भएका थिए ।

नेपालको लागि महिलातर्फ विजया कुमारी वाइवाले १ स्वर्ण र पुरुषतर्फ प्रविण गुरुङ र गुमान घर्तिमगरले कास्य पदक प्राप्त गर्न सफल भएका थिए ।