कालिका ५ मा समाजवादीका भिम तामाङ वडाध्यक्षमा सिफारिस

रसुवा । सरकारले स्थानिय तहको निर्वाचन वैशाख ३० गते घोषणा गरेसँगै राजनितिक दलहरुले आफ्नो उम्मेद्धवार चयन गर्न थालेका छन् ।

यसैक्रममा रसुवाको कालिका गाउँपालिका वडा नम्बर ५ जिबजिबेमा जनता समाजबादीको तर्फबाट वडाध्यक्षमा भिम तामाङलाई सर्वसहमत रुपमा सिफारिस गरिएको छ ।

आइतबार जिबजिबेमा बसेको जनता समाजबादी वडा नम्बर ५ वडा कमिटिको बैठकले तामाङलाई वडाध्यक्षमा सर्वसहमत रुपमा सिफारिस गर्ने निर्णय गरेको हो ।

वडाध्यक्षमा सिफारिस गरिएका तामाङले २०७४ सालमा सम्पन्न भएको स्थानिय तहको निर्वाचनमा १ सय ५३ प्राप्त गरेका थिए ।

रसुवामा पनि सत्तारुढ चार दल नेपाली कांग्रेस, नेकपा माओवादी केन्द्र, एकिकृत समाजवादी र जनता समाजवादी पार्टीले गठबन्धन गर्ने निर्णय गरेका छन् ।

तर कालिका गाउँपालिका वडा नम्बर ५ मा समाजवादीले गठबन्धनबाट नभई एक्लै चुनाव लड्ने बताएको छ ।