शिवपुरी अध्यक्ष गोल्डकप : फाईनल प्रवेशको लागि शिवपुरी र सुर्यगढी भिड्दै

नुवाकोट । नुवाकोटको सुनखानीमा जारी अन्तरपालिका स्तरीय शिवपुरी अध्यक्ष गोल्डकप फुटबल प्रतियोगिताको फाइनल प्रवेशका लागि अहिले घरेलु टोली शिवपुरी गाउँपालिका र सुर्यगढी गाउँपालिका भिडिरहेका छन् ।

केहीवेर अघि शुरु भएको खेलमा अहिलेसम्म दुबै टोलीले गोल गर्न सकेको छैन ।

सुर्यगढी गाउँपालिकाले पन्चकन्या गाउँपालिकालाई ८–१ को फराकिलो गोल अन्तरले पराजित गर्दै सेमिफाइनलमा प्रवेश गरेको हो भने आयोजक टोली शिवुपुरी गाउँपालिकाले ककनी गाउँपालिकालाई ३–० गोल अन्तरले पराजित गर्दै सेमिफाइनल प्रवेश गरेको हो ।