नुवाकोट प्रहरीलाई अर्काे सफलता, १७ वर्षपछि चितवनबाट फरार अभियुत्त पक्राउ

नुवाकोट । नुवाकोट प्रहरीले १७ वर्षपछि फरार अभियुक्त पक्राउ गरेको छ ।

पक्राउ पर्नेमा ककनी गाउँपालिका वडा नम्बर ७ सिम्लेका ३६ वर्षिय भरत सुनार रहेको जिल्ला प्रहरी कार्यालयका प्रहरी उपरिक्षक अबिनारायण काफ्लेले बताए । उनलाई केन्द्रिय अनुसन्धान ब्युरोको सहयोगमा मंगलबार चितवनको राप्ती नगरपालिका वडा नम्बर ७ भबानी बजारबाट पक्राउ गरेको प्रहरीले जनाएको छ ।

सुनारविरुद्ध २०५९ माघ १० गते ककनी गाउँपालिका वडा नम्बर ७ सिम्लेकी ७९ वर्षिय पदमकुमारी गुरुङलाई वारदात गरेको आरोप लागइएको छ । उनलाई जिल्ला अदालत नुवाकोटबाट आजै ४ दिनको म्याद लिई अनुसन्धान शुरु गरिएको प्रहरी उपरिक्षक काफ्लेले जानकारी दिए ।