व्यवस्थापन समितिले निर्णय गरे नयाँ शिक्षक पठाउँदैनौ : मेयर पण्डित

नुवाकोट, विदुर नगरपालिकाका मेयर सञ्जु पण्डितले पृथ्वी माविको व्यवस्थापन समितिले दरबन्दी अनुसारको शिक्षक नचाहिने निर्णय गरेमा नगरपालिकाले नयाँ शिक्षक ल्याउने गरेको निर्णयबाट आफुहरु पछि हट्ने बताएका छन ।

आईतबार विदुर नगरपालिकाको कार्यालय पुगेका अभिभावहरुलाई सम्बोधन गर्दे मेयर पण्डितले विद्यालयले शिक्षक दरबन्दी मागेकोले आफुहरुले माध्यामिक दरबन्दीको शिक्षक पठाएको बताए ।  मेयर पण्डितले आफुहरुको एकमात्र स्वार्थ भनेको जिल्लाकै उत्कृष्ट रहेको विद्यालयलाई अझै सफलताको शिखरमा पुराउने चाहाना रहेको बताए । त्यस्तै उपमेयर गिता दाहालले विद्यालयको शैक्षिक गुणस्तर वृद्धि गर्न नगरपालिकाले विद्यालयमा दक्ष र अनुभवि शिक्षक पठाउँदा विरोध गर्न नहुने बताइन । उनले विद्यालयमा दरबन्दी अनुसारको मावि शिक्षक आएमा वर्तमान प्रध्यानाअध्यापकको पद जाने भएकोले विद्यार्थी र अभिभावकलाई बिचमा ल्याइएको आरोप लगाइन ।

त्यस्र्तै अभिभावकहरुले विद्यालय जिल्लाकै सबैभन्दा उत्कृष्ट रहेको भन्दे त्यहाँको आवश्यकता हेरेर दरबन्दी कायम गर्नुपर्ने बताए । उनीहरुले विद्यालयको वर्तमान नेतृत्वले विद्यालयको शैक्षिक गुणस्तर कायम गरेको भन्र्दै हेरफेर नगर्न आग्रह गरेका छन ।