मोटरसाइकलको ठक्कबाट बट्टारमा एक बालक घाइते

नुवाकोट, नुवाकोटको विदुर नगरपालिका वडा नम्बर ४ संगमचोकमा विहिबार दिउँसो मोटरसाइकलको ठक्करबाट एक बालक घाइते भएका छन ।

घाईते हुनेमा बट्टारका ६ वर्षिय बालक सोनुबाबु आलम रहेको जिल्ला प्रहरी कार्यालयले जानकारी दिएको छ । बट्टारबाट बिदुरतर्फ जाँदैै गरेको बा८७प ७१० नम्बरको मोटरसाइकलले उनलाई ठक्कर दिएको हो । घाईते बालकको टाउको र खुट्टामा चोट लागेको प्रहरीले जनाएको छ । घाईते बालकलाई नँया संजिवनी अस्पतालमा सामान्य उपचार गरि थप उपचारको लागि काठमाण्डौ ट्रमा सेन्टर पठाइएको छ ।

बालकलाई ठक्कर दिने मोटरसाईकल र चालक मकवानपुरकाअशोक आलेमगरलाई नियन्त्रणमा लिइएको जिल्ला प्रहरी कार्यालय नुवाकोटले जनाएको छ ।