नुवाकोटका जनप्रतिनिधिले आफुलाई सर्वसर्वाे ठाने : सरोकारवाला

नुवाकोट, नुवाकोटका स्थानिय तहका जनप्रतिनिधिहरुले आफुलाई सर्वेसर्वाे ठान्ने गरेको सरोकारवालाहरुले बताएका छन ।

सोमबार पारस्पारिक जवाफदेहिता परियोजनाले आयोजना गरेको नागरिक समाज स्थानिय सरकारविच सहकार्य एवं सुशासन प्रर्वदन विषयक अन्तक्रिया कार्यक्रममा सरोकारवालाहरुले सो कुरा बताएका हुन । कार्यक्रममा बोल्दै जिल्ला समन्वय समितिकी उपप्रमुख अप्सरा थापाले नागरिक समाज र सरोकारवाला निकायहरुबिच सहकार्य भएमा मात्र जनताको मुद्धा र समस्याहरुको समाधान खोज्न सकिने बताइन । त्यस्तै प्रमुख जिल्ला अधिकारी द्रोण पोखरेलले पछिल्लो समय नागरिक समाजले स्वतन्त्र ढंगले काम गर्न नसकेको बताए । प्रजिअ पोखरेलले नागरिक समाज र स्थानिय सरकारबिच काम गर्ने सवालमा समन्वय गरेर अघि बढ्नुपर्ने बताए ।

सो कार्यक्रममा किस्पाङ गाउँपालिकाका अध्यक्ष छत्र लामाले ऐन कानुन र दक्ष जनशत्तिको अभावमा जनताले चाहेको सुविधा दिन नसकेको बताए । त्यस्तै विदुर नगरपालिका वडा नम्बर ४ का वडाअध्यक्ष टलकमान श्रेष्ठले नागरिक समाज र स्थानिय सरकारविच घनिष्ट सम्बन्ध भएपनि सामाजिक संरचना र भुमिकाले गर्दा काम गर्ने सवालमा केहि असहजता भएको बताए । कार्यक्रममा नागरिक समाजका नुवाकोटका अध्यक्ष वावुराम लामिछानेले राजिनितक मुद्धाले नागरिक समाजको मुद्धाहरु ओझेलमा परेको आभास भएको बताए ।

कार्यक्रममा नुवाकोट उद्योग पाणिज्य संघका अध्यक्ष ताराबहादुर कार्की,उपभोत्ता हित संरक्षण मञ्चका अध्यक्ष इन्द्र पण्डित, गैसस महासंघकका लोचन भट्टराई र राप्रपा नुवाकोटका विष्णु सापकोटा लगायतले पछिल्लो समय नागरिक समाज दलगतभन्दा माथि उठ्न नसकेको तथा काम गर्दा स्थानयि सरकारले जवाफदेहिता नअपनाएको बताएका थिए । कार्यक्रममा विभिन्न सरोकारवाला निकायहरुको उपस्थििति रहेको थियो ।