सुत्केरी मृत्यु प्रकरण : महादेवफाँटमा सडक अवरुद्ध

नुवाकोट, जिल्ला अस्पताल त्रिशुलीको चरम लापरवाहीले सुत्केरीको मृत्यु भएको भन्दै उनका परिवारजन र आफन्तले सडक अवरुद्ध पारेका छन ।ओस्तीका आफन्तले वेलकोटगी नगरपालिकाको रातमाटे, महादेव फाँट लगायतका स्थानमा काठको मुढा राखि सडक अवरुद्ध गरेका हुन । बिहीबार बेलकोटगढी नगरपालिका वडा नम्बर ७ रातमाटेकी गोमा ओस्तीको उच्च रत्तस्रावको कारण मृत्यु थियो । उनको उपचारको लागि हेलिकप्टरबाट काठमाण्डौ लैजाने क्रममा बाटोमै मृत्यु भएको थियो ।

उनको अस्पताल प्रशासन, गृह मन्त्रालय, सरकारको लापरवाहीले मृत्यु भएको र मृतकका आफन्तलाई क्षतिपुर्तिको माग गर्दे सडक अवरुद्ध गरेका हुन । यसैबिच सडक अवरुद्ध भएपछि जिल्ला प्रहरी कार्यालय नुवाकोटमा प्रहरी, अस्पताल प्रशासन, मृतकका आफन्तबीच अहिले वार्ता भइरहेको छ । वार्ता शुरु भएको केही घण्टा वितेपनि अझै सहमति हुन सकेको छैन ।

सडक अवरुद्ध भएपछि लामो तथा छोटो दुरीका सर्वसाधारण मर्कामा परेका छन । सडक अवरुद्ध भएपछि करिव २ सयभन्दा बढी सवारीसाधन बाटोमै अलपत्र परेका छन ।