त्रिशुली अस्पतालको लापरवाहीले सुत्केरीको ज्यान गयो

विदुर खबर २०७६ साउन ९ गते १९:२१

नुवाकोट, जिल्ला अस्पताल त्रिशुलीको चरम लापरवाहीका कारण एक सुत्केरीको मृत्यु भएको छ । मृत्यु हुनेमा बेलकोटगढी नगरपालिका वडा नम्बर ७ रातमाटेकी गोमा ओस्ति रहेकी छिन । उनको उपचारको लागि हेलिकप्टरबाट काठमाण्डौ लैजाने क्रममा मृत्यु भएको हो । अस्पताल व्यवस्थापनको चरम लापरवाहिको कारण उनको ज्यान गएको प्रत्यक्षदर्शीले बताएका छन । यसअघि सुत्केरी गराउन अस्पताल आएकी उनको विहीबार विहान ६ बजे डेलिभरि गरिएको थियो । तर ७ बजे बच्चाको सास रोकिएको भन्दै अस्पतालले काठमाण्ठौ रिफर गरिदिएको थियो । बच्चाको उपचार गर्न बच्चालाई लिएर ओस्तीकी श्रीमान उनलाई छाडेर काठमाण्डौ गएका थिए ।

उनको रत्तस्राव बढेपछि आवश्यक पर्ने रगत समेत ब्लड बैकमा नभएको भन्दै उनका श्रीमानले साढे १० बजे आफुहरु ब्लडको लागि फोन गरेको एक प्रत्यक्षदर्शीले जानकारी दिए ।

त्रिशुलि अस्पतालमा रहेका विरामिलाइ रक्तदान कार्यमा सक्रिय व्यक्ति मच्छिन्द्रनरसिंह प्याकुरेलले आफ्नो साथीहरुलाई बोलाएर रगतको समेत व्यवस्था मिलाएका थिए । उच्च रत्तस्राव हुँदा समेत लापरवाही गरेको अस्पतालले ११ बजेतिर मात्र सकेसम्म छिटो काठमाण्र्डाै लैजान आग्रह गरेको थियो ।

तर हेलो सरकारमा गोमाको स्वास्थ्य अवस्थाको बारेमा जानकारी गराएर सरकारी हेलिकप्टर पठाउन आग्रह गर्दा नुवाकोट सुगम जिल्ला भएकोले पठाउन नसक्ने जवाफ आएको थियो । गोमाको स्वास्थ्य अवस्थाको वारेमा प्रधानमन्त्रि कार्यालय,गृह मन्त्रालय, जिल्लाका सांसद लगायतलाई जानकारी गराउँदा समेत सुनुवाई नभएको बताइएको छ । उनको स्वास्थ्य अवस्थाको विषयमा गृह मन्त्रालयमा जानकारी गराउँदा नुवाकोट सुगम जिल्ला भएकोले हेलिकप्टर पठाउन नसक्ने र विरामीलाई केही गर्न नसकिने जवाफ आएको मृतक सुुत्केरीका आफन्तले जनाएका छन ।

विदुर नगरपालिका वडा नम्बर ५ का वडाअध्यक्ष शिव चित्रकारले सहजीकरण गरेपछि निजि हेलिकप्टरको नुवाकोट आएको थियो । तर हेलिकप्टरबाट काठमाण्डौ टिचिङ अस्पताल पुराउने वित्तिकै उनको मृत्यु भएको थियो । उनको बच्चा भने सकुशल रहेका छन ।