आँप टिप्न रुख चढेका त्रिशुली जलविद्युत केन्द्रका सेक्युरेटी गार्डको ढाड भाँचियो

नुवाकोट असार २९, आँप खाने हाकिमको रहर पुरा गर्न रुख चढेका नेपाल विद्युत प्राधिकरण त्रिशुली जलविद्युत केन्द्रका सेक्युरेटी गार्डको रूखबाट लडेर ढाड भाँचिएको छ ।

असार २४ गते आँप टिप्न रूख चढेका सेक्युरेटी गार्ड भक्तिप्रसाद न्यौपाने लडेर गम्भीर घाइते भएका छन । उनको अवस्था चिन्ताजनक रहेको छ । हाल न्यौपानेको उपचार काठमाडौँको ग्रिनसिटी अस्पतालमा भैरहेको बताइएको छ । रुखबाट लढेका न्यौपाने विदुर नगरपालिका वडा नम्बर ८ राइसिङका हुन । प्रत्यक्षदर्शीका अनुसार गार्ड न्यौपानेलेले रूच चिप्लो रहेको भन्दै आँप टिप्न अस्वीकार गरेका थिए तर पछि केन्द्रका प्रमुख तारादत्त भट्टले चेतावनी दिएपछि नी रूखमा चढेका थिए ।

रूखमा चढेर आँप टिप्दाटिप्दै उनी चिप्लिए र त्यसपछि भूइँमा बजारिएको बताइउको छ । रुखबाट लढेपछि अचेत भएका उनको अझै होस नआएको परिवारले जनाएको छ । आँप खानका निम्ति रूखमा जान निर्देशन दिने हाकिमले उपचारका निम्ति सहयोग पनि नगरेको प्राधिकरणकै कर्मचारीहरु बताउँछन ।