गल्छी–त्रिशूली–रसुवागढी सडकअन्तर्गत नुवाकोट र धादिङ का ११ किलोमिटर सडक स्तरोन्नति

नुवाकोट असार १८, राष्ट्रिय गौरवको आयोजनामा परेको गल्छी–त्रिशूली–मैलुङ–रसुवागढी सडकअन्तर्गत धादिङ र नुवाकोटमा गरी ११ किलोमिटर सडक स्तरोन्नति भएको छ ।

आयोजना प्रमुख नारायणदत्त भण्डारीका अनुसार धादिङको गल्छी, नुवाकोटको कोल्पुटार, रातोमाटे, महादेवफाँट, देवीघाट, पीपलटार र माझीटार गरी ११ किमि सडक स्तरोन्ति गरिएको हो ।‘जहाँ समस्या छैन,’ उनले भने, ‘त्यहाँ पिचको काम भएको छ । उनले मुआब्जाको काम छिटो भए अझै कामले तीव्रता पाउने बताए । आयोजनाले अहिलेसम्म ४८ प्रतिशत काम सकेको जनाएको छ । अहिले धादिङको गल्छीदेखि नुवाकोट कोल्पुटार–देवीघाट, महादेवफाँट, रातोमाटे ४६ किलोमिटर क्षेत्रमा काम भइरहेको छ ।

भण्डारीले भने, ‘विद्युत् पोल, सडक किनारमा रहेका कटिङ कार्यले सडक निर्माणमा केही ढिलाइ हुन गएको छ ।’ यो सडक उत्तरी चीनको केरुङ र दक्षिण वीरगन्ज नाका हुँदै भारतसँग जोडिने सडक आयोजना हो । रसुवाको मैलुङ–स्याफ्रुबेंसी १९ किमिट्र्याक सेनाले आयोजनालाई बुझाए पनि अहिले काम रोकिएको छ । कान्तिपुर दैनिकबाट