सडकमा गुड्ने ट्रिफर घरभित्र पस्दा ककनीमा एक वृद्धाको मृत्यु, दुई जना घाइते

नुवाकोट ३० जेठ, नुवाकोटको ककनी गाउँपालिका वडा नम्बर ७ को निगालेमा ट्रिपर घरभित्र पस्दा एक जनाको मृत्यु भएको छ भने दुई जना घाइते भएका छन ।

बुधबार राति ११ बजे बा २ क ६३६३ नम्बरको ट्रिपर सडकबाट व्यक्तिको घरमा खसेको थियो । दुर्घटनामा परी घरमा सुतीरहेकी ६० वर्षिय माईली तामाङको मुत्यु भएको जिल्ला प्रहरी कार्यालय नुवाकोटले जानकारी दिएको छ । दुर्घटनामा ट्रिपर चालक अमिल लामा र सहचालक जीवन लामा गम्भीर घाइते भएका छन । उनीहरूलाइ उपचारका लागि काठमाडौँ लगिएकाृ छ ।

दुर्घटनापछि स्थानीयबासीले सडक अवरुद्ध गरेका थिए । प्रहरी र स्थानीय जनप्रतिनिधिको रोहबरमा पीडित र परिवार र ट्रिपर मालिकसँग क्षतिपूर्तिको बारेमा सहमति भएपछि ाजमार्ग सञ्चालनमा आएको ककनी गाउँपालिकाका अध्यक्ष मानबहादुर लामाले बताए । पीडितको परिवारलाई १५ लाख रूपैया क्षतिपूर्ति दिने सहमति भएको लामाले बताए ।