नुवाकोट गोल्डकप : सेमिफाइनल प्रवेशको लागि नुवाकोट ११ र हेटौडा भिँड्दै

नुवाकोट जेठ २४, नुवाकोटमा जारी दास्रो नुवाकोट गोल्डकप फुटवल प्रतियोगिता अन्र्तगत आज सेमिफाईनल प्रवेशको लागि घरेलु टोली नुवाकोट ११ विरुद्ध हेटौडा फुटवल क्लब प्रतिष्पर्धा गर्दै छन ।

१० टिम सहभागि प्रतियोगितामा नुवाकोट ११ ले काठमाण्डौको दिपशिखा युवा समुहलाई प्रि क्वाटलफाईनलमा ०–५ गोल अन्तरले पराजित गदै क्वाटरफाइनलमा प्रवेश गरेको हो भने हेटौडा एफसी सिधै क्वाटरफाइनलमा प्रवेश गरेको हो । यसअघिको खेलमा उत्कृष्ठ प्रर्दशन गरेको नुवाकोट ११ उच्च मनोवलको साथ मैदानमा उत्रिँदैछ । हेटौडा एफसी पनि प्रतियोगितमा उत्कृष्ठ प्रर्दशन गरि जितको खोजिमा हुनेछ ।

जिल्ला खेलकुद विकास समिति नुवाकोट र नुवाकोट फुटवल संघको आयोजनामा तथा विदुर नगरपालिकाको संरक्षकत्वमा भएको प्रतियोगितामा नुवाकोट ११, विभागिय टोलीहरु नेपाल पुलिस,शसस्त्र प्रहरी बल र नेपाली आर्मी क्लबले सहभागिता जनाएका छन । त्यस्तै ए डिभिजनका क्लबहरु मनाङ, संकटा, च्यासल युथ क्लबल, चितवन ११, विजय युथ हेटौडा र काठमाणडौको दिपशिखा युवा समुहसहित १० टोलीले सहभागिता जनाएका छन । प्रतियोगिताको विजेताले ६ लाख र उपविजेताले ३ लाख रुपैयाँ प्राप्त गर्नेछन । प्रतियोगिता आगामी जेठ ३१ गतेसम्म सन्चालन हुने बताइएको छ