दोस्रो नुवाकोट गोल्डकप २o७६, आजको खेल : संकटाविरुद्ध चितवन ११

नुवाकोट जेठ २३, नुवाकोटमा जारी  दोस्रो नुवाकोट गोल्डकप २o७६  फुटवल प्रतियोगिता अन्र्तगत आजको खेलमा ए डिभिजन क्लब संकटा विरुद्ध चितवन ११ बीच प्रतिपष्र्धा हुँदैछ ।

नुवाकोट आर्दश बहुमुखी क्याम्पसको खेल मैदानमा दिउँसो हुने खेलमा ए डिभिजनको क्लब संकटा उच्च मनोवलका साथ मैदानमा उत्रिदैछ । यता पहिलो नुवाकोट गोल्डकप र नगर मेयरकप फुटवल प्रतियोगितामा समेत सहभागिता जनाएको चितवन ११ प्रतियोगितामा सुखद शुरुवात गर्न चाहान्छ । नुवाकोटमा भएको दुईओटा सहभागितामा राम्रो नतिजा निकाल्न असफल चितवन आज राम्रो नतिजाको खोजीमा हुनेछ ।

जिल्ला खेलकुद विकास समिति नुवाकोट र नुवाकोट फुटवल संघको आयोजनामा तथा विदुर नगरपालिकाको संरक्षकत्वमा भएको प्रतियोगितामा नुवाकोट ११, विभागिय टोलीहरु नेपाल पुलिस,शसस्त्र प्रहरी बल र नेपाली आर्मी क्लबले सहभागिता जनाएका छन । त्यस्तै ए डिभिजनका क्लबहरु मनाङ, संकटा, च्यासल युथ क्लबल, चितवन ११, विजय युथ हेटौडा र काठमाणडौको दिपशिखा युवा समुहसहित १० टोलीले सहभागिता जनाएका छन ।

प्रतियोगिताको विजेताले ६ लाख र उपविजेताले ३ लाख रुपैयाँ प्राप्त गर्नेछन । प्रतियोगिता आगामी जेठ ३१ गतेसम्म सन्चालन हुने बताइएको छ । प्रतियोगिता अन्र्तगत आजको खेलमा काठमाण्डौको संकटा क्लब र चितवन ११ बीच प्रतिष्पर्धा हुनेछ ।