हेटौडामा ट्रक जलाईयो,प्रेसर कुकर बमसहित कोटेश्वरबाट सात कार्यकर्ता पक्राउ

नुवाकोट जेठ १३, प्रतिबन्धित नेपाल कम्युनिष्ट पार्टी विप्लव माओवादीले सोमबार आह्वान गरेको नेपालबन्दको अवज्ञा गरेको भन्दै हेटौडामा एउटा ट्रकमा आगनी भएको छ ।

त्रिभुवन राजपथ अन्तरगत हेटौंडाको चौकिटोलमा प्रहरी चौकि नजीकै ना ७ ख ९४९३ नम्बरको मिनी ट्रकमा आगजनी गराएको जिल्ला प्रहरी कार्यालय मकवानपुरका प्रहरी नायब उपरिक्षक यज्ञप्रसाद भटराईले बताए । आगजनीका कारण गाडीका सबै भाग जलेका छन् ।

यसैगरी बन्दको पूर्ब सन्ध्यामा आज बिहान १ बजेको समयमा हेटौंडाको बुद्धचोक नजिक प्रेसरकुकर बम राखिएको थियो । बम राखेको थाहा पाउने बित्तीकै प्रहरीले नेपाली सेनालाई खबर गरेर बिहान ५ बजेतिर बम डिस्पोज गरिएको उनले बताए । सेनाको टोलीले प्रेशसरकुकर बम डिस्पोज गर्दा ठुलो आवाज आउदा स्थानीय वासिन्दाहरु तर्सिएका थिए । बिप्लपको बन्दका क्रममा हेटौंडा बजार पुरै सुनसान बनेको छ ।

यसैबिच ४ प्रेसर कुकर बमसहित विप्लव माओवादीका ७ जना कार्यकर्ता काठमाण्डौको कोटेश्वरबाट पक्राउ परेका छन । उनीहरुबाट गोली बनाउने विभिन्न किसिमका बारुद्ध समेत बरामद गरेको प्रहरीले जनाएको छ ।

पक्राउ परेका उनीहरुमाथि अनुसन्भान थालिएको महानगरिय प्रहरी प्रभाग काठमाण्डौले जानकारी दिएको छ ।