नेपाल लाइफद्धारा जीवन बीमाको दाबी रकम भुक्तानी

नुवाकोट जेठ ७ ,नेपाल लाईफ इन्स्योरेन्स कम्पनी लिमिटेड बट्टार शाखाले लिखु गाउँपालिका वडा नम्बर १ खानीगाउँकी बीमित तारा थापा मगरकी श्रीमानलाई जीवन बीमाको दाबी रकम भुक्तानी गरेको छ ।

आइतबार चण्डेश्वरी संरक्षण मञ्च खानीगाउँले आयोजना गरेको २५६३ औ बृद्धजयन्ती तथा घाटु नाच जात्रा २०७६ को अवसर पारी कम्पनीले बिमितका श्रीमान लालबहादुर थापामगरलाई एक लाख ३७ हजार २ सय रुपैयाँको बीमा दाबी रकम भुक्त्तानी दिएको हो । मगरलाई नेपाल लाईफ इन्स्योरेन्स कम्पनी लिमिटेडका कर्मचारी बिकाश न्यौपाने, लिखु गाउँपालिका वडा नं. १ का वडा अध्यक्ष नरहरी पाण्डे तथा उत्तरगया दैनिकका प्रकाशक तथा सम्पादक शिव देवकोटाले संयुक्त रुपमा चेक हस्तान्तरण गरेका हुन ।

कम्पनीमा मगरले एकलाख रुपैयाँकोे जीबन बीमा गरेकी थिइन । उनले वार्षिक ९ हजार ३ सय ८ रुपएयाँको दरले ५ वर्षको बीमा शुल्कबापत ४६हजार ५ सय ४० रुपैयाँ भुक्तानी गरेको नेपाल लाईभ इन्स्योरेन्स कम्पनी लिमिटेड बट्टार शाखाले जानकारी दिएको छ । मगरको गत माघ २३ गते असामहिक निधन भएकोले उनका श्रीमान लालबहादुर थापामगरलाई जीबन बीमाको दाबी भुक्तानी बापतको रकम दिइएको कम्पनीले जनाएको छ ।