सिटी सेन्टरबाट खसेर सुरक्षा गार्डको मृत्यु, घटना शंकास्पद भन्दै प्रहरीले थाल्यो अनुसन्धान

विदुर खबर २०७४ फागुन १८ गते १५:३५

कमलपोखरीस्थित सिटी सेन्टर सपिङ मलबाट खसेर एक सुरक्षा गार्डको मृत्यु भएको छ । मलको चौथो तलाबाट खसेर गार्डको मृत्यु भएको हो ।

Advertisement

मृत्यु हुनेमा पाँचथर फिदिमका २६ वर्षीय रविन भुजेल छन् । भुजेल मलमा सुरक्षागार्डको रुपमा कार्यरत थिए । शुक्रवार विहानै मलबाट खसेका भुजेलको घटनास्थलमै मृत्यु भएको महानगरीय प्रहरी बृत्त कमलपोखरीले जनाएको छ ।

भुजेलका आफन्तले घटना शंकास्पद भएको भन्दै सत्यतथ्य छानविनको माग गरेका छन् । आफन्तले घटनाको छानवीन गर्न माग गरेपछि प्रहरीले घटनाबारे अनुसन्धान थालेको छ ।

Advertisement

प्रतिक्रिया