मेयर कप फुटबलको उद्घाटन खेलमा बेलकोट र मेलम्ची नगरपालिकाले प्रतिष्पर्धा गर्ने

नुवाकोट वैशाख १७, नुवाकोटको बिदुर नगरपालिकामा बुधबारदेखि बिदुर नगरमेयर कप राष्ट्रिय आमन्त्रण अन्तरगत नगरपालिका फुटबल प्रतियोगिता हुने भएको छ ।
मंगलबार नगरपालिकाले बट्टार स्थित आदर्श बहुमुखी क्याम्पसको खेल मैदानमा गरेको पत्रकार सम्मेलनमा १८ गतेदेखि २३ गतेसम्म सञ्चालन हुने प्रतियोगितामा ८ समुहको सहभागिता रहने जनाएको छ । कार्यक्रममा बिदुर नगरपालिकाका प्रमुख सञ्जु पण्डितले निकट भबिष्यमा खेल क्षेत्रको प्रर्बद्धन र खेलाडीहरुको मनोबललाई सदैब उच्च राख्न प्रतियोगिताको भूमिका महत्बपूर्ण रहने बताउनुभएको छ ।

यस्तै, बिदुर नगरपालिकाले खेल जगत्लाई छायामा पर्न नदिन र महिला खेलाडीहरुलाई समेत खेल प्रति आकर्षण गराउने उद्धेश्यले उपमेयर कप महिला भलिबल प्रतियोगिता सञ्चालन गर्न लागेको छ । बिदुर नगरमेयर कप फुटबल प्रतियोगिता र उपमेयर कप महिला भलिबल प्रतियोगिताको लागि २० लाख रुपैया रकम बिनियोजन गरेको विदुर नगरपालिकाको कार्यालयले जनाएको छ ।
प्रतियोगिताको पहिलो दिन बुधबार बेल्कोटगढी नगरपालिका नुवाकोट र मेलम्ची नगरपालिका सिन्धुपाल्चोक बीच प्रतिस्पर्धा रहने आयोजकले जनाएको छ । यस्तै, प्रतियोगिताको अबलोकन गर्न जाने दर्शकहरुको लागि प्रतियोगिताको पहिलो दिन निशुल्क र अन्य दिनहरुको लागी २५ रुपैया प्रबेश शुल्क निर्धारण गरिएको जिल्ला खेलकुद बिकास समिती नुवाकोटले जनाएको छ ।