मास्टर डिग्री अध्ययन गर्न रसुवामा ५८ जनाले इन्ट्रान्स परीक्षा दिए

रसुवा, रसुवामा स्नातकोत्तर तहको ‘एमएड’ अध्ययनका ागि ५८ जनाले इन्ट्रान्स परीक्षा दिएका छन् । जिल्लाको कालिका गाउँपालिका–२ कालिकास्थानमा रहेको कालिका हिमालय क्याम्पसले यो वर्षदेखि शिक्षाशास्त्र संकाय अन्तर्गत स्नातकोत्तर तहको एमएड पढाइ सुरु गर्दै छ ।

यसअघि एमएड अध्ययनका लागि जिल्ला बाहिर जानुपर्ने बाध्यता थियो । क्याम्पसले स्नातकोत्तर तह सञ्चालनका लागि अनुमति पाएसँगै बाहिर जानुपर्ने बाध्यता हटेको हो ।

शनिबार ५८ जनाले इन्ट्रान्स परीक्षा दिएका क्याम्पस प्रमुख भुवन राज भट्टले बताए । ‘यस वर्षदेखि हामीले सञ्चालनका लागि अनुमति पाएका छौँ, उनले भने, अब एमएड पढ्नका लागि अन्त जानु पर्दैन ।’

अहिले शिक्षा, योजना र व्यवस्थापन (इपिएम) विषय मात्र भएकाले विषय थप गर्नका लागि विद्यार्थीले आग्रह गरिरहेका छन् उनले थपे । जिल्लामा तीन वटा क्याम्पस सञ्चालनमा रहेका छन् । बाँकी दुईवटा क्याम्पसमा स्नातक तहसम्मको पढाइ हुन्छ ।