रसुवागढी हाइड्रोपावर र सान्जेन जलविद्युतले आइपीओ बिक्री गर्ने अनुमति माग्दै

विदुर खबर २०७५ पुष ७ गते ५:०३

रसुवा,रसुवागढी हाइड्रोपावर र सान्जेन जलविद्युत कम्पनीले आइपीओ बिक्री गर्ने अनुमति माग्दै धितोपत्र बोर्डमा निवेदन दिएका छन् । दुवै कम्पनीले सर्वसाधारणका लागि आइपीओ निष्कासन गर्न धितोपत्र बोर्डमा निवेदन दिएका हुन् । रसुवागढीले १ करोड २ लाख ६३ हजार १५० कित्ता आइपीओ बिक्रीका लागि अनुमति मागेको छ । यसमा बिक्री प्रबन्धकको काम सिद्धार्थ क्यापिटल लिमिटेडले गर्नेछ ।

Advertisement

दुवै कम्पनीले सर्वसाधारणका लागि आइपीओ निष्कासन गर्न धितोपत्र बोर्डमा निवेदन दिएका हुन् । रसुवागढीले १ करोड २ लाख ६३ हजार १५० कित्ता आइपीओ बिक्रीका लागि अनुमति मागेको छ । यसमा बिक्री प्रबन्धकको काम सिद्धार्थ क्यापिटल लिमिटेडले गर्नेछ ।

यसअघि रसुवागढीले सञ्चयकर्तालाई १ करोड ३३ लाख ४२ हजार ९५ कित्ता आइपीओ बिक्री खुला गरेको थियो । कम्पनीले सन् २०२० भित्र १११ मेगावाट विद्युत उत्पादन गरिसक्ने लक्ष्य लिएको छ । 
यस्तै, सान्जेन जलविद्युत कम्पनी पनि आइपीओ ल्याउने तयारीमा लागेको छ । कम्पनीले ५४ लाख ७५ हजार कित्ता आइपीओ ल्याउन धितोपत्र बोर्डमा निवेदन दिएको छ । यसमा बिक्री प्रबन्धकको काम नागरिक लगानी कोषले गर्नेछ । यसअघि सान्जेनले सञ्चयकर्ताका लागि ७१ लाख १७ हजार ५०० कित्ता आइपीओ बिक्री खुला गरेको थियो ।

Advertisement

सान्जेन जलविद्युत कम्पनी चिलिमे जलविद्युत कम्पनीको सहायक कम्पनी हो । सान्जेनले ४२.५ मेगावाट क्षमताको सान्जेन हाइड्रो इलेक्ट्रिक प्रोजेक्ट र १४.८ मेगावाटको अपर सान्जेन हाइड्रो इलेक्ट्रिक प्रोजेक्ट गरि दुई वटा योजना बिकास गर्दैछ ।

प्रतिक्रिया