विदुर १२ पन्थगाउँमा खुकुरी प्रहार गरि एकजना घाइते

नुवाकोट । नुवाकोटको विदुर नगरपालिका वडा नम्बर १२ पन्थगाउँमा खुकुरी प्रहार गरि एकजना घाईते भएका छन् ।

आईतवार दिउँसो बेनडाँडास्थत पन्थ गाँउका लक्ष्मण खड्कालाई स्थानिय सुरेन्द्र रिमालले मादक पदार्थ सेवन गरि खुकुरी प्रहार गरेको प्रहरीले जनाएको छ । खुकुरी प्रहार गरि घाईते भएका खड्काको टाउको, बाँया कानको लोतीको भाग र गर्धनमा चोट लागेको जिल्ला प्रहरी कार्यालय नुवाकोटले जनाएको छ ।

घटना लगत्तै घाईते खड्कालाई उनका दाजु रामचन्द्र खड्काले उपचारको लागि त्रिशुली अस्पताल ल्याएका थिए । त्यसलगत्तै प्रहरीको टोली अस्पताल पुगेर अनुसन्धान शुरु गरेको थियो ।

घटनाको अनुसन्धान गर्दा घाइते र खुकुरी प्रहार गर्ने रिमाल दुबैजनाले मादक पदार्थ सेवन गरेको प्रहरीले जनाएको छ ।
घटनापश्चात खुकुरी प्रहार गर्ने रिमाल फरार रहेको प्रहरीले जनाएको छ ।

घटनाको सम्बन्धमा थप अनुसन्धान जारी रहेको प्रहरीले जनाएको छ ।