नुवाकोटमा आफ्नै श्रीमानद्धारा श्रीमतिको खुकुरी प्रहार गरि हत्या

नुवाकोट । नुवाकोटको शिवपुरी गाउँपालिकामा धारिलो हतियार प्रहार गरि श्रीमानले आफ्नै श्रीमतीको हत्या गरेका छन् ।

मंगलवार साँझ ६ बजेको समयमा शिवपुरी गाउँपालिका वडा नम्बर ७ सुनखानीको ठुलापाटा वस्ने ५० वर्षिय जितमान तामाङले आफ्नै श्रीमती सविना तामाङको खुकुरी प्रहार गरि हत्या गरेका हुन् ।

घरायसि बिबादको कारण श्रीमान जितमानले श्रीमती सविनालाई धारिलो हतियार (खुकुरी) प्रहार गरि हत्या गरेको जिल्ला प्रहरी कार्यालय नुवाकोटले जनाकारी दिएको छ ।

घटनालगत्तै बुधवार विहान घटनास्थल पुगेको प्रहरीले धारिलो हतियार (खुकुरी) प्रहार गर्ने व्यक्ति र धारिलो हतियार (खुकुरी) नियन्त्रणमा लिएको छ ।

घटना विषयमा थप थप अनुसन्धान भइरहेको जिल्ला प्रहरी कार्यालय नुवाकोटले जनाएको छ ।