नुवाकोटको ढुङ्गेमा बसभित्रै एक युवक मृत अवस्थामा भेटिए

नुवाकोट । नुवाकोटको विदुर नगरपालिका वडा नम्बर १ ढुङ्गेमा बसभित्रै एक युवक मृत अवस्थामा भेटिएका छन् ।

मृत अवस्थामा भेटिनेमा विदुर नगरपालिका वडा नम्बर ९ लामाटारका २५ वर्षिय अमृत विश्वकर्मा रहेको प्रहरीले जनाएको छ ।
सोमवार दिउँसो साढे तीनबजेतिर विदुर–१ ढुङ्गेबाट नुवाकोटको किस्पाङतर्फ जादै गरेको प्रदेश ३ ०१ ००५ ख ९४६५ नम्बरको बसको सिटमा उनी अचेत अवस्थामा फेला परेका थिए ।

अचेत अवस्थामा फेला परेका उनलाई उपचारको लागि त्रिशुली अस्पताल लगेकोमा डाक्टरले मृत घोषणा गरेका थिए ।

घटनाको प्रारम्भिक अनुसन्धान गर्दा मृतक विश्वकर्माले अत्याधिक मात्रामा लागुऔषध सेवन गरेको अस्पतालको कागजातबाट देखिएको जिल्ला प्रहरी कार्यालय नुवाकोटले जानकारी दिएको छ ।

घटनाको सम्बन्धमा थप अनुसन्धान भइरहेको प्रहरीले जनाएको छ ।