तप्त युथ क्लबको अध्यक्षमा रिमाल

नुवाकोट । विदुर नगरपालिका वडा नम्बर ३ देबीघाटमा रहेको तप्त युथ क्लबको अध्यक्षमा सागर रिमाल चयन भएका छन् ।

शनिवार आयोजित क्लबको विशेष साधारणसभाले रिमालको अध्यक्षतामा १३ सदस्यीय कार्यसमिति निर्वारोध चयन गरेको हो ।

क्लबको वरिष्ट उपाध्यक्षमा सुजन श्रेष्ठ चयन भएका छन् भने उपाध्यक्षमा राजेश रिमाल, सचिवमा शान्ति रिमाल र सह-सचिवमा दिनेश पण्डित चयन भएका छन् ।

त्यस्तै कोषाध्यक्षमा सुमन मुनाकर्मी र सह-कोषाध्यक्षमा मंगलदाश श्रेष्ठ निर्वाचित भएका छन् ।

सदस्यहरुमा सन्तोष नगरकोटी, संजय श्रेष्ठ, सिता कुमारी श्रेष्ठ, दिपक ढुङ्गेल किसान नेपाली र मिना श्रेष्ठ चयन भएका छन् ।

तप्त युथ क्लबले जिल्लामा आयोजित विभिन्न खेलकुद प्रतियोगिताको उपाधि जित्नुको साथै विभिन्न सामाजिक काम समेत गर्दै आएको छ ।