चौथो एनयुएफसी अन्तर विद्यालय फुटसल प्रतियोगिता सुरु

नुवाकोट । एनयुएफसी छात्र तथा छात्रा अन्तर विद्यालयस्तरिय फुटसल प्रतियोगिता शुरु भएको छ ।

प्रतियोगिताको उद्घाटन विदुर नगरपालिकाका मेयर राजन श्रेष्ठ र उपमेयर प्रभा बोगटीले गरेका थिए । प्रतियोगिताको उद्घाटन खेल हिमालयन एकेडेमी र महिन्द्र माविविच भइरहेको छ ।

नुवाकोट युनाइटेड फुटवल क्लबको आयोजनामा भएको प्रतियोगितामा छात्रातर्फ १४ टिम र छात्रतर्फ ३६ टिमको सहभागिता रहेको आयोजक नुवाकोट युनाइटेड फुटवल क्लबका अध्यक्ष रामकुमार कोइरालाले जानकारी दिए ।

एनयुएफसीको फुटसल मैदान बट्टारमा हुने प्रतियोगिाताको विजेता र उजविजेताले नगदसहित मेडल ट्रफी र प्रमाणपत्र पाउने आयोजकले जनाएको छ ।

प्रतियोगिता लिगकम नक आउटका आधारमा खेलाइने छ ।

फुटसल प्रतियोगिताको उद्घाटन कार्यक्रममा विदुर नगरपालिका वडा नम्बर १ का वडाध्यक्ष लेनिन रन्जित, नुवाकोट उद्योग वाणिज्य संघका अध्यक्ष राजेन्द्र श्रेष्ठ, जिल्ला खेलकुद विकास समितिका सभापति विजय गुरुङ र विदुर नगर खेलकुद समितिका अध्यक्ष अच्युत महन्त गिरी लगायतको उपस्थिति रहेको थियो ।