उपत्यका बन्दको कार्यक्रम फिर्ता

नुवाकोट । संयुक्त जनआन्दोलन समितिले काठमाडौं उपत्यका बन्दको कार्यक्रम फिर्ता लिएको छ ।

समितिले कमल थापा, दीपक सिंहलगायत पक्राउ परेका व्यक्ति छोड्न माग गर्दै जेठ १९ (आज) काठमाडौं उपत्यका बन्दको घोषणा गरेको थियो । तर, प्रदर्शनको क्रममा हिरासतमा लिइएका ७ जना रिहा भइसकेपछि समितिले उपत्यका बन्दको कार्यक्रम फिर्ता लिएको हो।

“जेठ १८ गते प्रदर्शनको क्रममा हिरासतमा लिइएका हाम्रा सबै साथीहरू रिहा भइसकेको अवस्था मध्यनजर गर्दै जेठ १९ गतेलाई तोकिएको उपत्यका बन्दको कार्यक्रम फिर्ता लिएको जानकारी गराइन्छ,” नवराज सुवेदी नेतृत्वको संयुक्त जनआन्दोलन समितिले विज्ञप्ति जारी गर्दै भनेका छन् ।

आइतबार दिउँसो काठमाडौंको नारायणचौरमा भएको प्रदर्शनका क्रममा थापालगायत ८ जनालै प्रहरीले नियन्त्रणमा लिएको थियो ।