नुवाकोट कार्तिक ८, हाम्रो विकास बैंकको दशौं वार्षिक साधारण सभा आइतबार (कात्तिक ११ गते) हुने भएको छ । सभामा हाम्रोले ज्योति विकास बैंकमा गाभिने विशेष प्रस्ताव पेश गर्दैछ । ज्योतिले हाम्रोलाई १ः१ स्वाप रेसियोमा एक्वायर गर्न लागेको हो । बैंक सञ्चालक समितिले प्रस्ताव गरेको ७.१९% नगद लाभांश र २.४०% बोनस सेयर पारित गर्ने एजेन्डा पनि बैंकले सभामा लैजादैछ । साधारण सभा होटल सताञ्चुली, बिदुर नुवाकोटमा बिहान ११ बजे सुरु हुनेछ ।

 आर्थिक वर्ष २०७४–७५ को वार्षिक प्रतिवेदनमा पनि छलफल गरिने एजेन्डा छ । २०७५–७६ का लागि लेखापरीक्षक नियुक्ति र पारिश्रमिक निर्धारण गर्ने अर्को एजेन्डा पनि छ । ज्योतिसँग एक्वायर प्रकृयामामा रहेको हाम्रो विकास बैंकको गत असार ३२ गतेदेखि सेयर कारोबार रोक्का छ ।

बैंकले कारोबार भई नामसारी हुन बाँकी सेयरधनीलाई असोज २५ गतेसम्म आवश्यक कागजात पेश गरेमा लाभांश पाउन सक्ने जनाएको छ । हाल यस बैंकको चुक्ता पुँजी ४९ करोड २२ लाख रुपैयाँ रहेको छ । बोनसपछि बैंकको चुक्ता पुँजी ५० करोड ४० लाख ५२ हजार ७३६ रुपैयाँ पुग्नेछ । ज्योति विकास बैंकको यसअघि सम्पन्न साधारण सभाले हाम्रो विकास बैंकलाई एक्वायर गर्ने प्रस्ताव पारित गरिसकेको छ ।