नुवाकोटमै पहिलो पटक बंगुरको शल्यक्रिया मार्फत बच्चा निकालियो

नुवाकोट । नुवाकोटमै पहिलोपटक बंगुरको सफल शल्यक्रिया गरि बच्चा निकालिएको छ ।

तादी गाउँपालिका वडा नम्बर ३ खरानीटारका स्थानिय गायत्री सुनारको घरमा पालिएको बंगुरको शल्यक्रिया गरि बच्चा निकालिएको हो । पशुपंक्षी क्लिनिक बट्टारका प्राविधिक टोलीले बंगुरको शल्यक्रिया मार्फत ९ ओटा बच्चा निकालेको संचालक डा. सुदिप कोइरालाले जानकारी दिए ।

बंगुरको शल्यक्रिया मार्फत बच्चा निकाल्दै पशु प्राविधिकहरु ।

शल्यक्रिया मार्फत निकालेका ९ ओटा बच्चामध्ये एक मात्र जीवित अवस्थामा रहेको डा. कोइरालाले बताए । अन्य ८ बच्चा भने मृत अवस्थामा निकाालिएको थियो । तीमध्ये कहिे सडेगलेको अवस्थामा निकालिएको थियो ।

दुई दिनसम्म सुत्केरी व्यथा लागेको बंगुरलाई स्थानिय प्राविधिकहरुले प्रयास गर्दा समेत बच्चा निकाल्न नसकेपछि पशुपंक्षी क्लिनिकबाट खटिएका पशु प्राविधिक नविन कुमार शाही र रमेश प्याकुरेलले सफल शल्यक्रिया गरेका थिए ।

पशु डा. कोइरालाका अनुसार नुवाकोटमा पशुहरुको शल्यक्रिया मार्फत सुत्केरी गराउन दक्ष जनशक्ति तयार भएकोले सुत्केरी ब्यथा लागेर पशुहरु मनुपर्ने अवस्था नरहेको बताए ।

जिल्लामै पशुहरुको उपचार हुने भएकोले पशुसम्बन्धी केही समस्या देखिएको पशुपंक्षी क्लिनिकमा सम्पर्क गर्न उनले आग्रह गरे ।