सडक दुर्घटनामा परि धादिङका टिकारामको मृत्यु

नुवाकोट । काठमाण्डौको चन्द्रागिरी नगरपालिका वडा २ मसिनेमा सडक दुर्घटनामा परि घाईते भएका एक जनाको उपचारको क्रममा मृत्यु भएको छ ।

मृत्यु हुनेमा धादिङको धुनिबेसी नगरपालिका वडा नम्बर ७ बस्ने २६ वर्षीय टिकाराम तामाङ रहेको प्रहरीले जनाएको छ ।

मसिनेमा सडकमा बा.३३ प ३६८ नम्बरको मोटरसाइकल सडकबाट करिब ७० मिटर तल खसेर आइतबार साँझ दुर्घटना भएको थियो ।

दुर्घटनामा गम्भीर घाइते भएका उनको राष्ट्रिय ट्रमा सेन्टरमा उपचारको क्रममा मृत्यु भएको हो ।