तारकेश्वर गाउँपालिकाले अतिक्रमित संरचना हटाउने

नुवाकोट । नुवाकोटको तारकेश्वर गाउँपालिका गाउँपालिकाभित्र रहेको अतिक्रमित घर टहरा हटाउने भएको छ ।

गाउँपािलकाको वडा नम्बर २ मा रहेको महादेव मन्दिरको जग्गा अतिक्रमण गरी बनाइएका घर–टहरा हटाइने गाउँपालिकाका अध्यक्ष शिव अधिकारीले जानकारी दिए ।

अतिक्रमण गरि बनाइएका घर टहरा हटाउन गाउँपालिकाले दोस्रोपटक सुचना प्रकाशन गर्दे सात दिनको समये थप गरेको छ । अध्यक्ष अधिकारीले मन्दिर परिसरभित्र सार्वजनिक जग्गा अतिक्रमण गरी बनाएका घर–टहरा भत्काउन निर्देशन दिएसँगै पालिकाले अतिक्रमित संरचना हटाउने अभियान शुरु गरेको हो ।

अध्यक्ष अधिकारीले गाउँको सांस्कृतिक धरोहरको रूपमा रहेको मन्दिरको जग्गा अतिक्रमण गरी बस्ने कार्य अनुचित रहेको भन्दै आफैले खाली गर्न समेत अनुरोध गरेका छन् ।

अटेरी गर्नेहरुको हकमा प्रचलित ऐन कानुन बमोजिम तत्कालै कारवाही प्रक्रिया अघि बढाउने उनले बताए ।